Ilon Mask kompanııasynda 500 qyzmetker qysqartýǵa ushyrady

ASTANA. KAZINFORM — Mıllıarder Ilon Mask negizin qalaǵan xAI kompanııasynda aýqymdy qurylymdyq ózgerister bolyp, júzdegen qyzmetker jumystan bosatyldy, dep 24.kg agenttigi Business Insider ishki hat almasýǵa silteme jasap habarlady.

Grok atty jasandy ıntellekt modelin oqytýmen aınalysqan bólimde 500 qyzmetker qysqartýǵa ushyraǵan. Olar negizinen derekterdi qurylymdaý jáne sanattarǵa bólý boıynsha jumys istegen mamandar.

Bul ózgerister kompanııanyń strategııasyn qaıta qaraýymen baılanysty. Endi xAI burynǵydaı ámbebap mamandardyń ornyna tar baǵyttaǵy sarapshylar tobyn qalyptastyrýdy kózdep otyr.

Sonymen qatar, kompanııa jasandy ıntellektti oqytýmen aınalysatyn komandanyń sanyn on esege arttyrý josparyn jarııalady.

Jańa laýazymǵa taǵaıyndaý aldynda qyzmetkerlerden tabıǵı ǵylymdar, baǵdarlamalaý, qarjy, medıtsına, sondaı-aq chat-bottardyń minez-qulqy men qaýipsizdigin baǵalaý syndy baǵyttardy qamtıtyn testileýden ótýdi talap etpek.

xAI — 2023 jyly Ilona Mask negizin qalaǵan, jasandy ıntellektke arnalǵan aqparattyq ınfraqurylym qurýmen aınalysatyn kompanııa. Ol qazirgi tańda Grok generatıvti chat-botyn ázirlep jatyr.