Ilon Mask kompanııasy Starlink spýtnıkteriniń eki partııasyn ǵaryshqa ushyrdy

ASTANA. KAZINFORM – Ilon Masktyń SpaceX kompanııasy araǵa bes saǵat salyp ǵaryshqa Starlink spýtnıkteriniń eki partııasyn ushyryp, jańa rekord ornatty.

Kompanııanyń saıtynda habarlanǵandaı, 2024 jyldyń 11 naýryzynda Astana ýaqytymen saǵat 04:05-te Kanaveral múıisindegi (Florıda shtaty, AQSh) SLC-40 alańnan Falcon zymyran tasyǵyshy arqyly 23 Starlink spýtnıgi ushyryldy. 

Sol kúni Astana ýaqytymen saǵat 09:09-da AQSh ǵarysh kúshteriniń «Vandenberg» bazasynan (Kalıfornııa shtaty, AUSh) orbıtaǵa taǵy 23 Starlink ǵarysh apparatyn ushyrǵan Falcon zymyran tasyǵyshy ushyryldy. 

Space X aqparatynsha, eki ushyrý sátti ótti, ǵarysh apparattary jer mańaıyndaǵy orbıtaǵa shyǵarylǵan. 

Sońǵy málimetke sáıkes, búginde Starlink-tiń 6 myńǵa jýyq spýtnıgi ushyryldy, sonyń ishinde 5,5 myńnan astamy orbıtada ornalasqan. 

SpaceX kompanııasynyń Starlink jahandyq spýtnıktik júıeni alǵash ret alty jyl buryn, 2018 jyldyń 22 aqpanynda ushyrdy. SpaceX jalpy alǵanda jer mańaıyndaǵy orbıtaǵa 12 myńǵa jýyq spýtnık shyǵarýdy josparlap otyr.