Ilon Mask Qazaqstanda Tesla qýattaý beketterin ornatpaq

ASTANA. QazAqparat - Qazaqstanda Tesla elektromobılderine arnalǵan qýattaý beketteri ashylady. Bul týraly Tesla Motors kompanııasynyń basshysy Ilon Mask Tvıtterde jazdy, dep habarlaıdy QazAqparat.

Los-Andjeleste Tesla Model Y jańa elektromobıliniń tanystyrylymy ótti. Kompanııa Londonnan Beıjińge deıin Supercharger qýattaý beketteriniń jahandyq jelisin qurǵysy keledi.

Sonymen birge, áleýmettik jelide taraǵan tanystyrylymǵa qazaqstandyqtardyń qatysqany jáne kompanııa basshysy Ilon Maskke Qazaqstanda beket ashýdy usynǵany týraly beınejazbalar paıda boldy.

Jaýap retinde Ilon Mask Qazaqstanda qýattaý beketterin ashýǵa ýáde bergen.

«Qazaqstanda óte jaqsy qoldaý bildirip jatyr. Onda da Supercharger ornatamyz dep oılaımyn», - deıdi Ilon Mask.

Model Y kóligine 15 dıýım bolatyn basqarý ekrany, dybys júıesi ornatylǵan jáne tóbesi shynymen jabylǵan. Standard Range nusqasynda saǵatyna 100 shaqyrymǵa deıin 5, 9 sekýndta otalady, Performance nusqasynda - 3,5 sekýnd. Qýattalǵan elektromobılmen 320 jáne 450 shaqyrym júrýge bolady.