Ilon Mask Qazaqstan stýdentteriniń suraqtaryna jaýap beredi
NUR-SULTAN. QazAqparat – Ilon Mask qazaqstandyq kolledj stýdentterimen kezdesýge ýáde berdi. Bul jaıynda Eýropalyq ekonomıka jáne bıznes joǵary kolledjiniń negizin qalaýshy Talǵat Tóremuratov aıtty, dep habarlaıdy QazAqparat tilshisi.
«SpaceX kompanııasynyń negizin qalaýshy, teń ıesi, bas dırektory jáne bas ınjeneri, Tesla kompanııasynyń basy ıdeıalyq shabyttandyrýshysy Ilon Mask menedjerimen uzaq ýaqytqa sozylǵan hat almasýdan keıin Qazaqstannyń kolledj stýdentteri úshin ZOOM platformasynda kezdesýge ýaǵdalastyq. Kezdesý 2021 jyldyń 1 mamyryna josparlanyp otyr», - dep jazdy Talǵat Tóremuratov Facebook-paraqshasynda.
Eýropalyq ekonomıka jáne bıznes joǵary kolledjiniń negizin qalaýshy bul kezdesý jaıynda elimizdiń Bilim jáne ǵylym mınıstrligin aldyn ala habardar etetindigin de atap ótedi.
