Ilon Mask qaıtadan AQSh-tyń eń baı turǵyny ataldy
SpaceX jáne Tesla kompanııalary ıegeriniń dáýleti 251 mlrd dollarǵa baǵalanyp otyr. QazAqparat bul týraly Anadolyǵa silteme jasap habarlaıdy.
Forbes jýrnaly jyl saıyn tizimdeıtin AQSh-tyń 400 baı azamatynyń qatarynda Ilon Mask qaıta kósh bastap tur.
I.Masktyń byltyrǵy dáýletiniń kólemi de 251 mlrd dollarǵa shamalas edi. Ol sol kezde de atalǵan tizimdi bastap turǵan bolatyn.
Ekinshi orynǵa Amerıkanyń Amazon korporatsııasyn qurǵan Djeff Bezos (161 mlrd dollar) ornalasqan. Úshinshi pozıtsııada – Oracle korporatsııasynyń negizin qalaýshylardyń biri Larrı Peıdj (114 mlrd dollar).
Al Microsoft kompanııasynyń negizin qalaǵan Bıll Geıts 111 mlrd dollarmen altynshy orynda tur.
Aıta keteıik, bıylǵy shilde aıynda Ilon Mask Bloomberg ındeksi boıynsha álemdegi eń baı 500 adamnyń reıtınginde kósh bastaǵan edi.
