Ilon Mask ıtin Twitter-diń bas dırektory etip «taǵaıyndady»
SAN-FRANTsISKO. QazAqparat - Twitter áleýmettik jelisiniń ıesi Ilon Mask kompanııanyń jańa bas dırektoryn tanystyrdy. Mıllıarder áleýmettik jeliniń jańa bas dırektory etip Flokı esimdi sıba-ıný tuqymyna jatatyn ıtin «taǵaıyndady», dep habarlaıdy QazAqparat Business Today basylymyna silteme jasap.
Mask óz akkaýntynda ózine nemese Twitter-diń burynǵy bas dırektory Parag Agravalǵa baǵyttaǵandaı bolyp, jańa dırektordy burynǵy basshyǵa qaraǵanda qabileti mol dep sanaıtynyn jazdy.
Mask Twitter logotıpi bar fýtbolka kıgen, aınalasynda qujattar men noýtbýk turǵan, bas dırektor kreslosynda otyrǵan Flokı atty ıtiniń sýretin bólisti.
Áleýmettik jeli qoldanýshylary Mask jazbasyna ártúrli reaktsııa qaldyrdy.
Keıbireýler muny kúlkili ázil retinde qabyldasa, endi basqalary muny mıllıarderdiń ekstsentrızmge toly minez-qulqynyń taǵy bir kórinisi dep sanaıdy.
Biraq jazba Twitter paıdalanýshylardan júzdegen myń laık jınaǵan.
Ilon Mask óz ornyna Twitter-diń jańa bas dırektoryn izdep júrgeni belgili.
Ol tipti kelesi bas dırektor qyzmetine tanymal YouTube blogeri MrBeast-ti usyna alatynyn aıtty. Degenmen, bul laýazymda ázirge ózi otyr.
Ilon Mask Twitter platformasyn 2022 jyldyń qazan aıynda 44 mlrd dollarǵa satyp aldy.
Foto: twitter.com/elonmusk
