Ilon Mask Irannyń Joǵarǵy kóshbasshysyna áleýmettik jelide suraq qoıdy

ASTANA. KAZINFORM — SpaceX pen Tesla kompanııalarynyń basshysy Ilon Mask Irannyń Joǵarǵy kóshbasshysy aıatolla Álı Hameneıge áleýmettik jeli arqyly ún qatty, dep jazdy Oxu.az saıty

Mıllıarder burynǵy Twitter, qazirgi X platformasynda Hameneı paraqshasyndaǵy jazbanyń astyna pikir qaldyrǵan.

– Amerıka — úlken shaıtan ba, álde uly shaıtan ba? – dep jazdy Mask Hameneı jazbasyna jaýap retinde.

Izraıl men Iran arasyndaǵy shıelenis

13 maýsymda Izraıl Irannyń ıadrolyq jáne áskerı nysandaryna soqqy jasap, «Qaısar arystan» (ıvr. «Rising Lion») operatsııasyn bastady. Buǵan jaýap retinde Tegeran «Shynaıy ýáde – 3» operatsııasyn júzege asyryp, Izraıldiń áskerı nysandaryna shabýyl jasady.

22 maýsymǵa qaraǵan túni AQSh Áýe kúshteri Irandaǵy úsh ıadrolyq nysanǵa soqqy berdi. AQSh prezıdenti Donald Tramp bul shabýyldardyń maqsaty — Irannyń ýran baıytý ınfraqurylymyn joıý ekenin málimdedi.

23 maýsymda Iran armııasy «Jeńis týraly qýanyshty habar» operatsııasy aıasynda alty zymyrandy Katarǵa, al bireýin AQSh áskerı bazalary ornalasqan Irak aýmaǵyna atty. Press TV málimetinshe, úsh zymyran Katardaǵy AQSh áýe bazasyna dál tıgen.