Ilon Mask Grok 2 chat-botynyń bastapqy kodyn ashpaq
ASTANA. KAZINFORM – Jasandy ıntellekt salasyndaǵy xAI kompanııasynyń ıesi Ilon Mask Grok 2 chat-botynyń bastapqy kodyn ashatynyn málimdedi.
– Grok 2 bastapqy kodyn ashatyn ýaqyt keldi. Kelesi aptada bul iske asyrylady, – dep jazdy Mask óziniń H (burynǵy Twitter) áleýmettik jelisindegi paraqshasynda.
Eske sala keteıik, Ilon Mask 2023 jyldyń sáýirinde xAI startapyn qurǵan bolatyn. Kompanııa jasandy ıntellekt júıelerin ázirleýmen aınalysady. Birneshe aıdan keıin xAI kompanııasy jasandy ıntellektke negizdelgen Grok chat-botyn tanystyrdy.
Bıyl naýryz aıynda Ilon Mask óziniń xAI startapy ózi ıelik etetin X áleýmettik jelisin satyp alǵanyn habarlaǵan edi.
Aıta keteıik, buǵan deıin Ilon Mask «bolashaq ashanasyn» ashqany týraly da aqparat taraǵan bolatyn.