Ilon Mask Gazadaǵy uıymdar Starlink jelisine qol jetkizetinin aıtty

Mıllıarder Ilon Mask X áleýmettik jelisinde onyń ıeligindegi Starlink ǵarysh kompanııasy Gaza sektorynda ornalasqan halyqaralyq uıymdardyń Jer serikterine qosylýyna múmkindik beretinin jazdy. Kazinform bul týraly VVS-ge silteme jasap habarlaıdy. 

Izraıl armııasynyń operatsııasy kezinde Gaza sektorynda baılanys úzilgen. «Shekarasyz dárigerler» jáne Qyzyl Krest uıymynyń ókilderi Gazada jumys isteıtin dárigerlerimen habarlasa almaı qalǵanyn jetkizdi. Elektr qýaty bolmaı qalǵannan keıin aýrýhanalarmen de baılanysqa shyǵý múmkin bolmaı qalǵan. 

Osynyń aıasynda X qoldanýshylary Masktan Gaza sektoryndaǵy adamdarǵa Starlink-ke qoljetimdilikti ashýyn ótinip, habarlamalaryn #starlinkforgaza heshtegterimen jarııalady. 

Gazadaǵy halyqaralyq uıymdardyń Starlink-ke qanshalyqty jyldam qosylatyny belgisiz, óıtkeni ol úshin arnaıy jabdyq qajet. 

Palestınanyń telekommýnıkatsııa jáne aqparattyq tehnologııalar mınıstri Ishak Sıdr Gaza sektorynda Starlink jelisine qosylý máselesi boıynsha halyqaralyq uıymdarmen kelisip jatqanyn málimdedi.