Ilon Mask ǵaryshty ıgerý úshin tarıhtaǵy eń iri chıp zaýytyn salmaq
ASTANA. KAZINFORM – Ilon Mask Terafab jobasyn iske qosatynyn málimdedi. Bul joba «galaktıkalyq órkenıet» qurý jolyndaǵy mańyzdy qadam retinde qarastyrylyp otyr. Bul týraly Tesla kompanııasynyń H-tegi resmı paraqshasynda habarlandy.
Joba SpaceX jáne xAI kompanııalarymen birlesip júzege asyrylady. Jospar boıynsha, jyldyq qýaty 1 teravattqa deıin jetetin álemdegi eń iri mıkrochıp óndirý zaýyty salynady. Bir alańda logıkalyq jáne jad mıkroshemalaryn óndirý, sondaı-aq olardy ozyq deńgeıde jınaqtaý protsesteri biriktiriledi.
Masktiń aıtýynsha, kún energııasyn aýqymdy túrde paıdalaný úshin jyl saıyn orbıtaǵa 100 mln tonnaǵa deıin jabdyq shyǵarý qajet bolady. Bul turaqty túrde ǵaryshqa júk ushyrýǵa múmkindik beretin ınfraqurylym qurýdy, kún energııasymen jumys isteıtin jasandy ıntellektisi bar spýtnıkterdi ornalastyrýdy jáne Tesla Optimus sekildi mıllıondaǵan gýmanoıd robottardy tartýdy talap etedi.
TERAFAB: the next step to becoming a galactic civilization
— Tesla (@Tesla) March 22, 2026
Together with @SpaceX & @xAI, we're building the largest chip manufacturing facility ever (1TW/year) – combining logic, memory & advanced packaging under one roof.
To harness as much power as possible from the Sun, we… https://t.co/QYfGR8XsJx
Atalǵan baǵyttardyń barlyǵy úlken kólemde mıkrochıpterdi qajet etedi. Masktiń baǵalaýynsha, tek Optimus robottarynyń ózi úshin 100–200 gıgavatt esepteý qýaty kerek bolsa, spýtnıkter úshin bul kórsetkish teravatt deńgeıine jetedi.
Ol qazirgi ósim qarqynyn eskergenniń ózinde, álemdik jartylaı ótkizgish óndirisi mundaı suranysty qazir de, 2030 jylǵa qaraı da qamtamasyz ete almaıtynyn atap ótti.
Terafab jobasy qoldanystaǵy óndiristik múmkindikter men bolashaqtaǵy esepteý qýatyna degen suranys arasyndaǵy alshaqtyqty qysqartýǵa baǵyttalǵan.
Eske sala keteıik, Ilon Mask qarjy naryǵyna óz platformasyn, ıaǵnı X-tiń jańa servısin shyǵaratynyn málimdedi.
