Ilon Mask Eýroodaqty taratý qajettigin málimdedi

ASTANA. KAZINFORM — X áleýmettik jelisiniń ıesi Ilon Mask Eýropalyq odaqty taratyp jiberýge shaqyrdy, dep habarlaıdy Kazinform agenttigi.

Ilon Mask Eýroodaqty taratyp, derbes memleketterdiń egemendigin qaıtarý qajettigin aıtty. Bul málimdeme Eýrokomıssııa onyń X áleýmettik jelisine 120 mıllıon eýro kóleminde aıyppul salǵannan keıin jasaldy.

— EO-ny joıý kerek, al jeke memleketterge egemendigin qaıtarý qajet, sonda úkimetter óz azamattarynyń múddelerin jaqsyraq qorǵaı alady, — dep jazdy ol H jelisinde.

Bul málimdeme Eýrokomıssııanyń resmı ókili Toma Rene Brıýsseldegi brıfıngte X platformasyna 120 mıllıon eýro aıyppul salynatynyn habarlaǵannan keıin jarııalandy.

Shilde aıynda Eýrokomıssııa áleýmettik jeli ókilderin tsıfrlyq qyzmetter týraly zańdy (DSA) buzǵany jóninde habardar etken. Buzýshylyqtar jarnama ashyqtyǵyna jáne zertteýshilerdiń ashyq derekterge qol jetkizýine qatysty boldy. Eger kompanııa bul máselelerdi sheshpese, jyldyq aınalymynyń alty paıyzyna deıingi aıyppul salynatyny eskertilgen edi.

Aıta keteıik, Ilon Masktyń shyǵyndardy qysqartý jónindegi DOGE jobasy taratyldy.