Ilon Mask álemdegi eń baı adamdar ondyǵyna kirdi
NUR-SULTAN. QazAqparat - Tesla jáne SpaceX kompanııalaryn basqaratyn amerıkandyq kásipker Ilon Mask Forbes jýrnalynyń nusqasy boıynsha alǵash ret ǵalamshardaǵy eń baı adamdar «ondyǵyna» kirdi, dep habarlaıdy QazAqparat atalmysh basylymnyń saıtyna silteme jasap.
Qazirgi kezde Masktiń dáýleti 70,8 mlrd dollarǵa baǵalanyp otyr. Forbes onyń baılyǵynyń ósýi kóbine Tesla aktsııalary baǵasynyń kúrt kóterilýine baılanysty ekenin atap ótti.
NASDAQ elektrondy bırjasynyń saıtynda jarııalanǵan málimetter boıynsha, naýryz aıynyń ortasynda kompanııanyń bir aktsııasynyń baǵasy 400 dollardan aspaǵan bolsa, sársenbi kúni saýda jabylar kezde ol tipti 1541 dollardan da joǵary.
Qazirgi ýaqytta Forbes Maskti ǵalamshardyń eń baı adamdar tiziminde segizinshi orynǵa qoıyp otyr. Tizimde toǵyzynshy oryndy dáýleti 68,5 mlrd dollardy qurap otyrǵan úndilik Reliance Industries holdınginiń basshysy Mýkesh Ambanı enshilese, «ondyqty» Google kompaıasynyń negizin qalaýshylardyń biri Larrı Peıdj (67,7 mlrd dollar) túıindedi.
