Ilon Mask álemdegi eń baı adam atandy
LION. QazAqparat – Ilon Mask álemdegi eń baı adamdardyń tiziminde Djeff Bezosty basyp ozdy, dep habarlaıdy QazAqparat Euronews-ke silteme jasap.
Sońǵy málimetterge sáıkes, Tesla jáne SpaceX bas dırektorynyń baılyǵy 188,5 mlrd dollar, al Bezosta odan bir jarym mlrd-qa azdaý qarjy bar. Amayon basshysyn ozyp ketýge Tesla aktsııalarynyń qor bırjalarynda shamamen 5% ósýi sep boldy.
Sońǵy jylda Masktiń qarjysy $150 mlrd-qa ósken, 2020 jyldyń qańtarynda Bloomberg reıtınginde bıznesmen 35-orynda bolǵan. Alaıda turaqty tabys pen S&P 500 ındeksine artýyynń arqasynda 2020 jyly Tesla aktsııalary 743%-ǵa ósip, Mask 150 mıllıardtan astam dollarǵa tabys tapty. Sondaı-aq 2020 jyldyń qarasha aıynyń sońynda ol Microsoft korporatsııasynyń negizin qalaýshy Bıll Geıtsten ozyp, atalǵan reıtıngide ekinshi orynǵa shyqty.
Mask bul jańalyqty esh emotsııasyz qabyldady: «Qyzyq eken. Jaraıdy, odan da jumysqa kiriseıik», – dep jazdy ol Twitter paraqshasynda.
Bezos álemniń eń baı adamy ataǵyn 2017 jyldan beri ıelenip keledi. Onyń dáýleti 184 mlrd dollarǵa baǵalanady. Forbes jáne Bloomberg Billionaires Index resmı reıtıngileri áli jańartylmaǵan, óıtkeni qor bırjalaryndaǵy saýda-sattyq áli jalǵasýda.
