Ilon Mask aldaǵy 10 jylda Aıda qala salady

ASTANA. KAZINFORM – Amerıkalyq mıllıarder Ilon Mask óziniń SpaceX kompanııasy endi basymdyqtaryn «Aıda ózin-ózi damytatyn qala» salýǵa qaıta baǵdarlaǵanyn jarııalady. Onyń sózinshe, buny on jyldan az ýaqyt ishinde júzege asyrýǵa bolady, al Marstaǵy osyndaı jospar 20 jyldan astam ýaqytty alady, dep habarlaıdy Kazinform.

- Eń basty basymdyq – órkenıettiń bolashaǵyn qamtamasyz etý, al Aı – jyldamyraq jol.

Marsqa saıahattaý ǵalamsharlar ár 26 aı saıyn bir qatarda ornalasqan kezde ǵana múmkin bolady, al biz Aıǵa ár 10 kún saıyn bara alamyz, - dep málimdedi ol. 

Kásipker kompanııa Marsta qala salý ıdeıasyn jaqtap otyrǵanyn jáne ony shamamen bes-jeti jyldan keıin bastaıtynyn málimdedi.

CNN jazýynsha, Mask ótken jyldyń mamyr aıynda SpaceX kompanııasy alǵashqy ushqyshsyz basqarylatyn Starship kemesin Marsqa 2026 jyldyń sońynda jetkizý úshin jumys istep jatqanyn aıtqan edi. 

Masktyń ǵaryshqa saıahat jasaýǵa qatysty boljamdaryn qysqartýyna ótken aptada SpaceX pen XAI kompanııalaryn álemdegi eń qundy jeke kompanııa etip qurǵany sebep boldy. 

Mask on jyldan astam ýaqyt boıy Marsta qonys qurý ıdeıasyn jaqtap keletinin atap ótip, bul 2002 jyly qurylǵan SpaceX kompanııasynyń basty maqsaty ekenin málimdedi.

Al NASA qazirgi ýaqytta ǵaryshkerlerdi 2028 jylǵa qaraı Aı betine qaıtarý úshin jumys istep jatyr, agenttik bul maqsatty Barak Obama tusynda qoıǵan bolatyn. Bul oralý 1972 jyly «Apollon» baǵdarlamasy aıaqtalǵannan beri adamdardyń Aıǵa alǵash ret aıaq basqan oqıǵasy bolmaq. 

Osyǵan deıin NASA Aıǵa baǵyttalǵan «Artemıda II» mıssııasynyń ushyrylýyn keıinge qaldyrǵanyn habarlaǵan edik.

Sondaı-aq NASA astronavttarǵa ǵaryshqa smartfon alyp ushýǵa ruqsat bergenin jazdyq.