Ilon Mask AQSh úkimetiniń qyzmetkerlerin jappaı jumystan shyǵaramyn dep qorqytyp jatyr

ASTANA. KAZINFORM – AQSh-tyń jańadan qurylǵan úkimettik tıimdilik departamentin (DOGE) basqaratyn amerıkalyq mıllıarder 22 aqpandaǵy áreketin taǵy qaıtalady, dep habarlaıdy DW aqparat agenttigi. 

Sol kezde AQSh federaldy úkimetiniń eki mıllıonnan astam qyzmetkeri DOGE-dan sońǵy aptada jumysta jetken bes jetistigin 48 saǵat ishinde jazýdy talap etken hat aldy.

Merzim aıaqtalǵan kezde Mask H áleýmettik jelisinde bylaı dep jazdy:

- Prezıdent olarǵa taǵy bir múmkindik berýi múmkin. Eger olar ekinshi ret jaýap bermese, jumystan shyǵarylady.

Masktyń talaby kóptegen vedomstvolarda, atap aıtqanda FTB, Memlekettik departamentte jáne Pentagonda narazylyq týdyrdy, dep atap ótti AP agenttigi. Bul vedomstvolardyń qyzmetkerlerine DOGE hattaryna jaýap bermeý buıyryldy. Memlekettik qyzmetkerlerdiń advokattary Kalıfornııadaǵy federaldy sotqa Masktyń áreketine qarsy shaǵym túsirdi.

Buǵan deıin Tramp Maskty DOGE jumysyn jandandyrýǵa shaqyrǵan bolatyn.

- Ilon keremet jumys isteıdi. Biraq men onyń agressıvti áreket ete bastaǵanyn qalaımyn. Esińizde bolsyn, biz elimizdi saqtap qalyp, sodan keıin ony burynǵydan da gúldendirýimiz kerek, - dep jazdy ol Truth Social áleýmettik jelisinde.

Kanadada Ilon Maskty azamattyqtan aıyrýdy talap etken petıtsııa bastalǵanyn jazǵan bolatynbyz.