Ilon Mask 9 jyldan keıin Marsqa adamdardy attandyrmaq
ASTANA. QazAqparat - Amerıkandyq SpaceX kompanııasynyń negizin qalaýshy Ilon Mask alǵashqy adamdy Marsqa 2025 jyly atttandyrý jospary týraly málimdedi, dep habarlady RIA Novostı.
«Marsqa alǵashqy ushýlarǵa qatysty - biz muny 2020-2025 jyldary, shamamen toǵyz jyldan keıin isteı alamyz», - dedi Mask Gonkongtaǵy forýmda sóılegen sózinde SpaceX kompanııasynyń adamdardy ǵaryshqa ushyrý týraly suraqtaryna jaýap qaıtara otyryp. Ony translıatsııalaý forým saıtynda júrgizildi.
«Men úshin toǵyz jyldyń ózi óte kóp», - dep atap ótti Mask jýrnalıstiń osyndaı orasan zor jobaǵa óte az ýaqyt berilip otyrǵan joq pa, degen suraǵyna oraı. Masktiń ózi ǵaryshqa shamamen 5 jyldan keıin ushýdy josparlap otyrǵanyn atap ótti.
Budan buryn NASA mamandary 2030 jylǵa qaraı adamdardyń Marsqa attaný ekspedıtsııasy múmkindigi týraly málim etken bolatyn.
