Ilon Mask $200 mlrd tabystan aırylǵan álemdegi alǵashqy adam
ASTANA. QazAqparat – Álemdegi eń dáýletti jandardyń biri Ilon Mask 200 mıllıard AQSh dollary kólemindegi tabysynan qaǵyldy, dep habarlaıdy QazAqparat.
2022 jyl Ilon Mask úshin naǵyz synaq boldy. Kezinde ǵalamnyń eń baı adamy bolǵan I. Mask «Twitter»-di satyp aldy. Sodan soń túrli janjaldarǵa tap bolyp, kapıtalyn kúrt joǵalta bastady.
Bloomberg agenttigi eseptegendeı, Masktyń baılyǵy 2021 jyldyń qarasha aıynyń basynda 340 mıllıard dollardan asty. Al, bıyl jeltoqsannyń sońynda Tesla aktsııalarynyń kúrt tómendeýine baılanysty 137 mıllıard dollarǵa deıin tómendedi.
«Twitter»-di satyp alǵannan keıin kásipker áleýmettik jelini basqarýǵa aýysyp, avtomobıl kompanııasyna nazar aýdarýdy toqtatty, sodan keıin ınvestorlar alańdaýshylyq bildirdi.
Ilon Mask 200 mıllıard dollar baılyǵynan aırylǵasyn, jer betindegi eń baı adam ataǵy Louis Vuitton Moet Hennessy holdınginiń ıesi Bernard Arnoǵa buıyrdy. Onyń baılyǵy 162 mıllıard dollarǵa baǵalanady.
Eske salaıyq, Tesla jáne SpaceX negizin qalaýshy Ilon Mask álemdegi eń baı adamdar tizimindegi birinshi orynnan tómendep qaldy.
Foto: bbc.com
