Іlııas Omarov aǵańdaı bol dep bata bergeni men úshin úlken qurmet - D.Myńbaı
ASTANA. 16 qazan. QazAqparat - «Mınıstr bolyp taǵaıyndalǵanda, elimizdiń talaı ardaqty azamattary maǵan «Іlııas Omarov aǵańdaı bol!» dep bata bergen. Men úshin bul - úlken qurmet». Búgin Astanada belgili memleket jáne qoǵam qaıratkeri, ádebıet synshysy, pýblıtsıst Іlııas Omarovtyń 100 jyldyǵyna arnalǵan «Rýhanııat sardary» atty keshte QR Mádenıet jáne aqparat mınıstri Darhan Myńbaı osylaı aıtty.
D.Myńbaı atap kórsetkendeı, keshegi keńester dáýirinde ult rýhynyń únjyrǵasy túsip, dástúrimiz dáripteýsiz, mádenıetimiz bosaǵadan syǵalaǵan zamannyń bolǵany jasyryn emes. «Ult namysy synǵa túsken osyndaı kúrdeli kezeńde de mádenıetimizdiń kóshin alǵa súıregen ardaqty azamattar ómir keshti. Solardyń biri de biregeıi - halqymyzdyń birtýar perzenti Іlııas Omarov. Ol ultyn janyndaı jaqsy kórgen, elin erekshe qurmet tutqan qaıratkerligin aıtýymyz qajet. Jastaıynan ananyń aıalaǵan alaqanynan, ákeniń ystyq yqylasynan aıyrylyp, taǵdyrdyń aşy azabyn tartsa da, onyń ómirge degen umtylysy, bilimge degen qulshynysy árqashan bıik belesterge bastap otyrdy. Qaıratkerdiń ómir jolyna kóz salsaq, 28 jasynda mádenıet mınıstri qyzmetine taǵaıyndaldy. Az ǵumyrynda, bar bolǵany 58 jyldyń ishinde ol kisi eki márte mınıstr, obkom hatshysy, respýblıkalyq kompartııanyń hatshysy qyzmetterin abyroımen atqardy. Іlııas Omarov bıik mansap úshin emes, ult mádenıetiniń ulyqtaýdaǵy uly maqsat jolynda ter tókti. Shynymdy aıtsam, biz mınıstr bolyp taǵaıyndalǵanda, anaý bol, mynaý bol emes, ilgeride ustaz bol dep bata beretin. Jeke meniń basyma elimizdiń talaı ardaqty azamattary «Іlııas Omarov aǵańdaı bol!» dep bata bergenin men ózim úshin qurmet sanaımyn. Ult mádenıetiniń birtýar tulǵasy, qazaq rýhanııatynyń mańdaıaldy ókili, kórnekti memleket jáne qoǵam qaıratkeri Іlııas Omarovtyń ǵamyrlyq mereıtoıy qutty bolsyn!», - dep atap kórsetti D.Myńbaı.
Aıta keteıik, «Rýhanııat sardary» keshinde elimizge belgili sahna juldyzdary men shyǵarmashylyq toptar óner kórsetti. Sondaı-aq is-sharaǵa І.Omarovtyń týǵan-týysqandary qatysty. Olardyń ishinde QR Syrtqy ister mınıstrliginiń baspasóz hatshysy, qaıratkerdiń nemeresi Іlııas Omarov ta bar.
