«Іlııas oqýlary» respýblıkalyq baıqaýynyń bas júldesin Álibek Begimbekuly jeńip aldy
TALDYQORǴAN. QazAqparat - Almaty oblysynyń Aqsý aýdanynda jyr qulageri Іlııas Jansúgirovtyń 125 jyldyǵyna oraı dástúrli «Іlııas oqýlary» ótti.
Dodaǵa elimizdiń túkpir-túkpirinen 24 daryndy bala qatysyp, óz ónerlerin kórsetti, dep habarlaıdy QazAqparat tilshisi.
On ekinshi ret shymyldyǵyn túrgen aýqymdy shara eki kúnge jalǵasty. Baıqaý shartyna saı qatysýshylar dúldúl aqynnyń óleńderinen mánerlep úzindi oqyp, jyr qulageriniń jyrlaryn nasıhattaýda jańashyldyq tanytty. Qyzý daıyndyqpen kelgen árbir qatysýshy bas júlde úshin synǵa tústi. Osylaısha, Іlııas atamyzdyń rýhyn bıikke asqaqtatyp, urpaq sanasyn jańǵyrtýda belsendi shara uıymdastyryldy.
Baıqaýda «Júzden júırik, myńnan tulpar» atanyp, Bas júldeni kıeli Aqsý eliniń týmasy Álibek Begimbekuly jeńip aldy. Jeńimpazǵa 500 myń teńgeniń sertıfıkaty tabystaldy. Al 1-oryn Aqmola oblysynyń Kókshetaý qalasynan kelgen Balmashek Edilge, 2-oryn qyzylordalyq Nuradın Arýjan men mańǵystaýlyq Júsipov Jarysqa buıyrdy, 3-oryndy shyǵysqazaqstandyq Jumaǵazıeva Anel, aqsýlyq Qyzaıhan Áıgerim men taldyqorǵandyq Saıat Saıa ıelendi.
Aıta keteıik qalamgerdiń 125 jyldyǵy keń kólemde aqynnyń kindik qany tamǵan Aqsý aýdanynda kúzde toılanady.
Esterińizge sala keteıik, Іlııas Jansúgirovtiń 125 jyldyǵynda 25 tom kitap jaryqqa shyǵatynyn habarlaǵan bolatynbyz.
