Іlııas Esenberlınniń 100 jyldyǵyna oraı onyń ómiri men qyzmetine arnalǵan kitap jaryqqa shyqty
Uly ǵalymnyń 100 jyldyǵyna arnalǵan kitap jazýshynyń týǵan jylynan bastap, ómiriniń sońyna deıingi aralyqty qamtyp otyr. B ul eńbek «Uly dala tulǵalary» serııasymen shyǵaryldy. Ǵylymı-tanymdyq turǵydan jazylǵan bul shyǵarmada Almaty memlekettik jáne Atbasar qalasyndaǵy ádebı murajaılarda, ulttyq muraǵatta saqtalǵan qoljazbalar men basqa da derekter negizinde birtýar jazýshynyń ómirlik kózqarastarynyń qalyptasýy, oǵan áser etken jaǵdaılar men tarıhı shyǵarmalardyń jazylý sebepteri qarastyrylǵan. Kitaptyń avtory Amangeldi Qashqymbaev - tarıh ǵylymdarynyń kandıdaty, dotsent, Memleket tarıhy ınstıtýty dırektorynyń orynbasary, al jalpy redaktsııasyn tarıh ǵylymdarynyń doktory, professor B.Aıaǵan basqardy. Týyndy «Jastyq shaq jyldary, ósken orta», «Tvorchestvolyq jolda», «Іlııas Esenberlın shyǵarmalaryndaǵy tarıh jáne tarıhı sabaqtastyq», «Bolashaqqa bettegen qaıyq», «Іz qalǵan óshpes sońynda» syndy kólemdi bes taraýdy qamtıdy. Іlııas Esenberlınniń ómirbaıany negizinen onyń inisi Raýnaq Esenberlınniń estelikteri negizinde berilgen. Memlekettik muraǵattar men mýzeılerden, sonyń ishinde Almaty, Jezqazǵan, Qyzylorda, Atbasar qalasyndaǵy І.Esenberlın atyndaǵy murajaılardan tabylǵan qujattardy jazýshymen zamandas bolǵan belgili qalamgerlerdiń estelikterimen salystyra otyra, Esenberlınniń tereń fılosofııasyn onyń romandary men poemalarynda kezdesetin ushqyr oılarymen jandandyrý ıdeıasynyń kórinis tabýy da eńbekke pikir jazǵan ǵalymdardyń qoldaýyn tapqan, dep habarlaıdy Qazaqstan tarıhy portaly.