Ilınskıı otandyq alpınızmge aıryqsha kóńil bólgeni úshin Toqaevqa alǵys aıtty
ASTANA. KAZINFORM — Ervand Ilınskıı atqarǵan qyzmetine joǵary baǵa berip, otandyq alpınızmge aıryqsha kóńil bólgeni úshin Qasym-Jomart Toqaevqa alǵys aıtty, dep habarlaıdy Aqordanyń baspasóz qyzmeti.
Onyń sózinshe, bizdiń tabysymyzdy sheteldik alpınıster de moıyndaıdy.
— Muny Qazaqstan alpınıster qaýymy jetken jetistikterdiń memleket deńgeıinde tanylýy dep túsinemin. Shyn máninde, bizdiń tabysymyzdy sheteldik alpınıster de moıyndaıdy. Osyǵan kýá bolǵanyma qýanyshtymyn, — dedi ulttyq quramanyń tálimgeri.
Budan buryn Prezıdent Toqaev Úkimettiń aldynda alpınızmdi sporttyń bir túri retinde jan-jaqty dáripteý mindeti turǵanyn aıtty.
