13:13, 03 Shilde 2024 | GMT +6
Ilham Álıev ShYU sammıtine qatysý úshin Astanaǵa keldi
AQTÓBE. KAZINFORM – Ázerbaıjan Prezıdenti Ilham Álıev Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysý úshin Astanaǵa keldi. Áýejaıda ony Qazaqstan Premer-Mınıstriniń orynbasary Qanat Bozymbaev qarsy aldy.
Qazaqstan men Ázerbaıjan arasynda búgingi tańda ekijaqty taýar aınalymynyń turaqty ósimi qamtamasyz etilgen. Máselen, 2023 jyldyń qorytyndysy boıynsha ózara saýda 14,4%-ǵa ósip, $529,4 mln-ǵa jetti. Bıyl da oń úrdis saqtalýda: 4 aıda taýar aınalymy 0,5%-ǵa – $184,9 mln-ǵa deıin ósti.
Budan ózge, búginde Ázerbaıjan aýmaǵy arqyly Eýropa baǵytynda qazaqstandyq munaıdy jetkizý jolǵa qoıylǵan. Osy jyldyń qańtar-sáýir aılarynda barlyǵy 494 myń tonna munaı jóneltildi.
