Ilham Álıev AZAL ushaǵynyń apatqa ushyraýyna kináli adamdardy jazalaýdy talap etti

ASTANA.KAZINFORM – Bul týraly Ázerbaıjan Prezıdenti ushaq apatynan qaza tapqan ekıpajdyń otbasy múshelerimen jáne tiri qalǵan bortseriktermen kezdesýde aıtty, dep habarlaıdy Kazinform agenttigi  AZERTADJ-ǵa silteme jasap.

– Aqtaýdaǵy ushaq apatynan Ázerbaıjan azamattarynyń qaza bolýyna Reseı Federatsııasynyń ókilderi kináli dep senimmen aıta alamyn. Al biz ádildikti talap etemiz, kinálilerdiń jazalanýyn talap etemiz, tolyq ashyqtyq pen adamı minez-qulyqty talap etemiz, - dedi Ázerbaıjan Prezıdenti.

Ilham Álıev qazir qara jáshikti tekserý protsesi júrip jatqanyn atap ótti.

– Jaqyn arada biz aldyn ala nátıjeni biletinimizge senimdimin jáne bári óz ornyna keledi. Tragedııanyń búkil kórinisi belgili bolady. Bul, árıne, osy tragedııany tolyq tergeý jáne ondaǵy kinálilerdi jazalaý isindegi mańyzdy sát bolady, - dedi ol.

Aqtaý mańyndaǵy ushaq qulaǵan jerden taǵy bir qara jáshik tabylǵanyn jazǵan bolatynbyz.

25 jeltoqsanda Qazaqstannyń batysyndaǵy Aqtaý qalasy mańyna qulaǵan ushaq jóninde túrli boljam aıtylyp keledi. Kólik mınıstrligi endi ázerbaıjandyq áýe kompanııaǵa tıesili ushaqtyń «qara jáshigin» Brazılııaǵa jibermek. Vedomstvo nelikten bul sheshimge keldi? Kazinform tilshisi uıǵarymdy sarapshylarmen qosylyp taldap kórdi.