Іlespe zań jobasy qylmystyq is júrgizý zańnamasyn jetildirýdi kózdeıdi
ASTANA. 17 qazan. QazAqparat - Úkimetten kelip túsken elimizdiń keıbir zańnamalyq aktilerine qylmystyq is júrgizý zańnamasyn jetildirý máseleleri boıynsha túzetýler engizýdi qarastyratyn zań jobasy boıynsha jumys júrgizý mindeti Májilistiń Zańnama jáne sot-quqyqtyq reforma komıtetine júkteldi.
«Qazaqstan Respýblıkasynyń keıbir zańnamalyq aktilerine qylmystyq is júrgizý zańnamasyn jetildirý máseleleri boıynsha ózgerister men tolyqtyrýlar engizý týraly» zań jobasy Qazaqstan Respýblıkasy Úkimetiniń zań jobalaý jumystarynyń 2013 jylǵa arnalǵan josparynyń 29-2-tarmaǵyna sáıkes ázirlengen.
Zań jobasynda elimizdiń birqatar zańdaryn Qylmystyq is júrgizý kodeksiniń jańa redaktsııasyna sáıkes keltirý maqsaty kózdelip otyr. Sondaı-aq qylmystyq protsesti odan ári jetildirýge baǵyttalǵan túzetýler usynylǵan.
Zań jobasyn qabyldaý qosymsha qarjylaı shyǵyndardy talap etpeıdi jáne teris áleýmettik-ekonomıkalyq jáne quqyqtyq saldarǵa ákep soqtyrmaıdy.
Zań jobasy boıynsha sybaılas jemqorlyqqa qarsy, ǵylymı, ekonomıkalyq jáne lıngvıstıkalyq saraptamalar júrgizilgen.
