Іlespe gazdy paıdaǵa asyrý boıynsha kompanııalardyń negizgi bóligi óndiristerin jańǵyrtýdy bıylǵy jyly aıaqtaýy tıis
ASTANA. Maýsymnyń 18-i. QazAqparat /Rýslan Ǵabbasov/ - Іlespe gazdy alaýlatyn jaǵý 3,1 mıllıard tekshe metrden 1,7 mıllıardqa deıin azaıdy.
Bul týraly búgin Astanada ilespe munaı gazyn paıdaǵa asyrý jaratý jáne jaǵýdy azaıtý boıynsha aımaqtyq semınardan keıin Qorshaǵan ortany qorǵaý vıtse-mınıstri Májıt Turmaǵambetov málim etti.
«Іlespe munaı gazy baǵaly kómirsýtekti shıkizat bolyp tabylady. Sondyqtan ony alaýlatyn jaǵý jol berilmeıtin ysyrap», - dedi ol.
«Qazaqstan búginde kómirsýtek shıkizatynyń qory boıynsha álemde alǵashqy ondyqqa kirip otyr. Qazirgi kezde bizde 58 kompanııanyń ishinde 30-i gazdy alaýlatyp jaǵady»,-dedi M. Turmaǵambetov.
Osyǵan baılanysty vıtse-mınıstr qazirgi kezde ilespe munaı gazyn jaǵýdy azaıtý boıynsha tıisti jumystar atqarylyp jatqanyn jetkizdi.
«Búginde kompanııalardyń negizgi bóligi ilespe gazdy kádege jaratý boıynsha ózderiniń barlyq óndiristerin jańǵyrtýdy bıylǵy jyly aıaqtaýy tıis. Keıbir kompanııalar, ıaǵnı 2-3-i 2011 jyldyń ortasyna deıin qalatyn bolady. Sodan keıin gazdy alaýlatyn jaǵýǵa tolyǵymen tyıym salý iske asyryla bastaıdy»,- dedi ol.
Osy turǵyda M. Turmaǵambetovtyń ilespe gazdy jaǵý 2006 jyly 3,1 mıllıard tekshe metr bolǵanyn, bul kórsetkish 2009 jyly 1,7 mıllıard tekshe metrge deıin tómendegenin atap ótti.
