Іlespe aýdarmashylar kýrsyn uıymdastyrý máselesi qarastyrylýda
«Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasyn jáne Qazaqstan Respýblıkasynda tilderdi damytý men qoldanýdyń 2011-2019 jyldarǵa arnalǵan memlekettik baǵdarlamasyn iske asyrý aıasynda memlekettik qyzmetshilerge ilespe aýdarmany oqytý kýrstary júrgizildi. Atap aıtqanda, 2017 jyldan beri 131 adam qazaq-orys, orys-qazaq, aǵylshyn-qazaq, qazaq-aǵylshyn tilderinde ilespe aýdarma júrgizý kýrstarynda oqydy. Atalǵan kýrstar aıasynda ilespe aýdarmashylardyń biliktiligin arttyrý, aýdarma teorııasy, aýyzsha aýdarmanyń erekshelikteri, ilespe aýdarmaǵa qajetti bazalyq grammatıkalyq jáne frazeologııalyq úlgiler, sózdik qordy baıytý boıynsha dárister júrgizildi», - dep atap ótedi Úkimet basshysy.
Onyń dereginshe, «Joǵary jáne joǵary oqý ornynan keıingi bilimi bar kadrlardy daıarlaý baǵyttarynyń synyptaýyshyn bekitý týraly» Bilim jáne ǵylym mınıstriniń 2018 jylǵy 13 qazandaǵy №569 buıryǵyna sáıkes «Óner jáne gýmanıtarlyq ǵylymdar» bilim berý salasynyń «Tilder men ádebıet» daıarlaý baǵyty aıasynda «Aýdarma isi» bilim berý baǵdarlamalarynyń toby iske asyrylýda. «Іlespe aýdarma» bilim berý baǵdarlamasy boıynsha Abylaı han atyndaǵy Qazaq halyqaralyq qatynastar jáne álem tilderi ýnıversıteti jáne ál-Farabı atyndaǵy Qazaq ulttyq ýnıversıteti mamandar daıyndaıdy.
«Qazirgi kezde Qazaqstan Respýblıkasyndaǵy til saıasatyn damytýdyń 2023-2029 jyldarǵa arnalǵan tujyrymdamasynyń jobasy ázirlenýde. Atalǵan tujyrymdama bekitilgennen keıin ony iske asyrý jospary aıasynda ilespe aýdarmashylardy daıyndaý kýrstaryn uıymdastyrý máselesi qarastyrylatyn bolady. Sonymen qatar Ǵylym jáne joǵary bilim mınıstrligine ortalyq memlekettik organdarda aýdarma jumysyna beıimi bar memlekettik qyzmetshiler arasynan ilespe aýdarma praktıkasy boıynsha taǵylymdamadan ótetin memlekettik qyzmetshiler tizimin qalyptastyrý tapsyryldy. Sondaı-aq mınıstrlik aldaǵy ýaqytta Qazaqstan Respýblıkasy Parlamenti palatalarynyń apparattarynda ilespe aýdarma jasaý jáne zań shyǵarý isiniń aýdarma jumysy boıynsha qyzmetkerlerdiń taǵylymdamadan ótý jumystaryn úılestiretin bolady», - dedi Álıhan Smaıylov.
