Іlespe aýdarma júrgizýdiń sheberlik synyptary ótti

ASTANA. QazAqparat - Sh.Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy 2016 jyldyń tamyz jáne qarasha aılarynda Astana qalasynda 2 kezeńnen turatyn qazaqsha-oryssha, oryssha-qazaqsha ilespe aýdarma júrgizýdi úıretýdiń aptalyq sheberlik synyptaryn ótkizdi.

Shara «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy» aıasynda memlekettik tildiń qoldanysy deńgeıin keńeıtý jáne ilespe aýdarmashylardyń biliktiligin arttyrý maqsatynda ótkizildi.

QR Mádenıet jáne sport mınıstrligi baspasóz qyzmetiniń habarlaýynsha,  sheberlik synyptaryna ortalyq jáne jergilikti atqarýshy organdary men ulttyq kompanııalardyń aýdarmashy mamandary biliktilikterin kóterip jáne shyǵarmashylyq áleýetterin arttyrdy.

Aptalyq sheberlik synyptaryn aýdarma teorııasy, jazbasha jáne aýyzsha aýdarma erekshelikteri, ilespe aýdarmashyǵa qajetti bazalyq grammatıkalyq jáne frazeologııalyq modelder, sózdik qordy baıytý jumystary boıynsha dáris oqyldy. Sonymen qatar, aýdarmashy mamandarǵa aýdarma teorııasy men praktıkasynyń jáne aýdarmatanýdyń ózekti máseleleri sheńberinde oqý-ádistemelik kómek kórsetilip, tárjimeleý jáne ilespe aýdarma salasyndaǵy ozyq tájirıbelermen oı almasty.

Sheberlik sabaqtaryn belgili aýdarmashy, fılologııa ǵylymdarynyń kandıdaty Kamal Álpeıisova júrgizdi.

Tyńdaýshylarǵa QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń sertıfıkattary tabys etildi.