Іle ózenine buqaralyq nazar aýdartý - tabıǵat qoryn saqtaý isindegi eleýli úles ekeni sózsiz - M.Eleýsizov
ALMATY. Aqpannyń 10-y. QazAqparat /Ádilet Musahaev/ - Búgin Almatyda Halyqaralyq 10-shy Іle-Balqash jáne 5-shi «Balqash júldesi» jelkendi keme jarystaryn uıymdastyrýǵa arnalǵan baspasóz máslıhaty ótti,
dep habarlaıdy QazAqparat.
Balqash kólin saqtaý Qazaqstan jáne búkil Ortalyq Azııa aımaǵy úshin basty maqsat. Ekologtardyń aıtýynsha, qazirgi tańda kólge joıylyp ketý qaýpi tónip tur jáne odan bolatyn zardap Aral teńizinen de zor bolýy múmkin.
«Іle ózenindegi jáne Balqash kólindegi ekologııalyq máselelerdiń mańyzdylyǵyn túsine otyryp, «Tabıǵat» ekologııalyq odaǵy 1-shi «Tiri Balqash» degen Іle-Balqash keme jarysyn ótkizgen bolatyn. Jarystyń negizgi sebebi - QHR-da salynǵan jańa gıdroqurylystar men aýylsharýashylyq daqyldaryna salynǵan sý kóleminiń ulǵaıýynan Іle kóleminiń azaıyp jatqanyna nazar aýdartý.
Atalmysh keme jarysy Іle-Balqash óńiriniń jańa múmkindikterin ashatyn týrızm salasyndaǵy myqty týrıstik slet-festıval túrine aınalý ústinde. Keleshekte keme jarysy týrızm ómirindegi Olımpıadaǵa aınalýy mindetti», deıdi «Tabıǵat» Qazaqstan kásiporyndary men qaýymdastyqtary ekologııalyq odaǵynyń tóraǵasy Mels Eleýsizov.
Sondaı-aq ol jaqynda QR Prezıdentiniń qabyldaýynda bolyp, elimizdegi ekologııalyq máselelerdi talqylaǵandyǵyn jáne ekologııalyq ahýaldar jaıynda Elbasy muqııat tyńdaǵandyǵyn, qoldan kelgenshe sharalar jasalatyndyǵyn jetkizdi.
