Іle-Balqash rezervatyndaǵy órt: Avtotehnıka janý oshaǵyna jete almaı jatyr

QONAEV. QazAqparat – Іle-Balqash rezervatynyń aýmaǵynda tabıǵı órtti sóndirý jalǵasyp jatyr, dep habarlaıdy QazAqparat Tótenshe jaǵdaılar mınıstrligine silteme jasap.

«Jyldar boıy qalyptasqan tereńdigi 1,5 metrge deıin jetetin qamys úıindisi otty aýyzdyqtaýdy qıyndatyp otyr. Avıatsııany qoldana otyryp sýdyń tógilýine qaramastan, janý jalǵasyp jatyr.

Órt sóndirý avtotehnıkasynyń óte almaýynan jáne órt ornyna jetý qıyn bolǵandyqtan, tilsiz jaýmen kúres jerústi tásilmen qol ınstrýmentterin: hlopýshkalar, motopompalar men shants quraldaryn paıdalana otyryp júrgizilýde.

Sondaı-aq jel baǵytyn eskere otyryp, jalyn oshaqtaryn qarama-qarsy baǵytta óshirý ádisi qoldanylyp jatyr.

Qazavıaqutqarý tikushaǵy sý tógýdi jalǵastyrýda.

Órtti sóndirýge 80 adam jáne 22 tehnıka jumyldyryldy», - delingen málimette.

Aıtylyp ótkendeı, búgin 29 maýsym kúni «Qazavıaormanqorǵaý» tikushaǵy rezervatty aınalyp ótip, jetýi qıyn jerlerdegi otpen kúresý úshin desanttardy jetkizetin bolady.

Órttiń jalpy aýmaǵyn rezervat qyzmetkerleri anyqtamaq.