Іle-Balqash rezervatynda órt sóndirý jumystary jalǵasyp jatyr
6 shilde kúni saǵat 21:00-de Almaty oblysynyń TJD Qaraoı aýylynan 30 shaqyrym jerdegi Qaraoı aýyldyq okrýginde «Іle-Balqash «MTR» RMM aýmaǵynda qoljetimdiligi qıyn, batpaqty, jolsyz jerde qamystyń janǵany týraly habarlama túsken. Rezervat basshylyǵynyń aqparaty boıynsha qazir órt aýmaǵy anyqtalyp jatyr.
«Oqıǵa ornyna kelgennen keıin 2 Kordon aýmaǵynda qamystyń janǵany anyqtaldy. «Vagon» kordonynda saǵat 03:30-da qaıyq pen motopompany paıdalana otyryp, qabyldanǵan shara negizinde órt oqshaýlandy. Naýryzbaı qordonynda (2 toqsan, 1 telim) shamamen 20 ga alańda 5 oshaqta qamys janǵan. 2 órt oshaǵy joıyldy. «Іle-Balqash «MTR» RMM jáne Almaty oblysy TJD 22 adam men 8 tehnıka birliginiń kúshimen (olardyń arasynda motopompalary, júzý quraldary bar) órt oshaqtaryn joıý boıynsha jumystar júrgizilip jatyr. Eldi mekenderge qaýip joq», - delingen Almaty oblysy Tótenshe jaǵdaılar departamenti habarlamasynda.
Qaroı aýylynyń órtke eń jaqyn eldi mekeni 30 shaqyrym qashyqtyqta ornalasqan.
