Іle-Balqash rezervatynda qamys órtenip jatyr
«Іle-Balqash rezervatynyń (kirme joldar joq aralshyqtar jáne qoljetimdiligi tómen batpaqty jerde) aýmaǵynda 150 ga alań janyp jatyr. Órttiń jalpy aýmaǵy shamamen 6 200 ga boldy, onyń ishinde sóndirilgeni – 6 050 gektar.
TJD jáne «Іle-Balqash» MTR» RMM kúshteri qolmen jumys jasaıtyn shants quraldary men motopompalardy paıdalana otyryp, jaıaý tártippen soltústik-batys jaǵynda 6-kvartalda aldyn ala boljam boıynsha 150 ga alańda sóndirý jumystaryn júrgizip jatyr. Sondaı-aq, Baqanas orman sharýashylyǵy ýchaskelerinde órttiń taralýyn boldyrmaý úshin Orman sharýashylyǵy kúshteri jyrtý jumystaryna kiristi.
Eldi mekenderge qaýip joq.
Áleýmettik jelilerde taralǵan kosmomonıtorıngtiń sýretteri búgingi kúni ózektiligin joǵaltqan.
Meteorologııalyq jaǵdaı: kún ashyq, jaýyn-shashynsyz, aýa temperatýrasy +24 S, soltústik baǵytta soqqan jeldiń jyldamdyǵy 2 m/s», - delingen habarlamada.
