Іle-Balqash rezervatyna syrttan maman shaqyrylmaıdy

ASTANA.  QazAqparat - Qazaqstandaǵy jolbarystardy qalpyna keltirý maqsatynda qurylǵan «Іle-Balqash» tabıǵı rezervatynda otandyq mamandar ǵana jumys isteıtin bolady. Bul týraly QR AShM Orman sharýashylyǵy jáne janýarlar álemi komıtetiniń tóraǵasy mindetin atqarýshy Marlen Aınabekov málim etti.

«Rezervat shtatyna arnalǵan qarajat respýblıkalyq bıýdjette qarastyrylǵan jáne ondaǵy flora men faýnany qalpyna keltirý úshin syrttan maman shaqyrylmaıdy. Onda tabıǵatty qorǵaý, orman sharýashylyǵy salasyndaǵy otandyq mamandar men bizdiń komıtettiń qyzmetkerleri jumys isteıtin bolady» - dep atap ótti M.Aınabekov QR AShM Jolbarystardy qalpyna keltirý jumystaryna arnalǵan jınalysta.

Aıta keteıik, 2018 jyldyń 1 qańtarynda jolbarystar tirshilik etetin «Іle-Balqash» memlekettik tabıǵı rezervaty óz jumysyn bastaıdy. Qazaqstandaǵy jolbarystardyń reıntrodýktsııasy boıynsha birlesken baǵdarlamany júzege asyrý boıynsha QR Aýyl sharýashylyǵy mınıstrligi men Reseıdiń Búkilálemdik jabaıy tabıǵat qory arasynda yntymaqtastyq týraly memorandým bekitilgen.