Іle-Balqash rezervaty óńirde shaǵyn kásipkerlikti damytýǵa kómektesýde
TALDYQORǴAN. QazAqparat - Almaty oblysy aýmaǵynda ornalasqan Іle-Balqash memlekettik tabıǵı rezervaty Balqash aýdanynda shaǵyn kásipkerlikti damytýǵa úles qosýda. Arnaıy qaıtarymyz granttar bólinip, aýyl turǵyndary óz kásibin ashýǵa kiristi, dep habarlaıdy QazAqparat tilshisi.
Shaǵyn granttar baǵdarlamasy WWF - Búkilálemdik jabaıy tabıǵat qorynyń bastamasymen jáne qarjylandyrýymen júzege asyp jatyr.
2016 jyldan beri 23 azamat shaǵyn grant ıelenip, óz kásibin dóńgeletýge kiristi. Qosymsha jumys oryndaryn ashyp, ár túrli baǵytty ıgere bastady. Máselen «Ardaq» sharýa qojalyǵynyń jetekshisi 150 qaz alyp, ósirip, kóbeıtip jatyr. Eti men qaýyrsynyn, mamyǵyn kádege jaratpaq. Al «Manabaı» sharýashylyǵy kartop pen túrli kókónis ósirip, ónimin aýyl naryǵyna shyǵarýda. Sondaı-aq shaǵyn qonaq úı ashyp, omarta sharýashylyǵyn bastap, mal azyǵyn daıyndap jatqan azamatttar da bar. Úsh jylda 28 mln teńgege jýyq qarajat ıgerildi.
Rezervat qyzmetkerleriniń aıtýynsha aýyl halqyna balamaly tabys kózin ashýǵa kómektesý arqyly aýdanda brakonerlikti azaıtýǵa múmkindik týdy. Sebebi jumyssyz otyrǵan turǵyndary otbasyn asyraý úshin zańsyz ań-qus atyp, balyq aýlap jan baǵýǵa májbúr bolǵan. Shaǵyn granttar baǵdarlamasy 2025 jylǵa deıin jalǵasatyn bolady.
