Іle Alataýynyń bókterinde arnaıy maqsattaǵy oqý-jattyǵýlar ótýde (FOTO)
Osy maqsatta Almatydaǵy QR QM áskeriniń ortalyq sport klýbynyń «Tuıyq sý» taýly oqý-jattyǵý ortalyǵynyń bazasynda lagerlik jıyn óristetildi, dep habarlaıdy QR Qorǵanys mınıstrliginiń baspasóz qyzmetinen.
«Eki apta ishinde áskerı qyzmetshiler taýly shyńǵa shyǵýdy, taýly aımaqta tehnıkamen júrý arqyly Іle Alataýynyń muz ben qar basqan kúrdeli jerlerinde urysty ıgerdi», delingen habarlamada.
Arnaıy maqsattaǵy áskerılerge taýly jerlerde daıarlyqty júrgizýge QR QM AOSK áskeriniń tájirıbeli sportshylarynan quralǵan arnaıy maqsattaǵy komandasy nusqaýshylyq etedi. Komandanyń bastyǵy aǵa leıtenant Maqsut Jumaev atalǵan jıyndar jaýyngerlerdiń mashyqtanǵan daǵdysyn qalyptastyryp, arnaıy bólimshelermen tájirıbe almasý úshin mańyzdy dep atady.
Áskerı qyzmetshiler jıynnyń barlyq ýaqytyn dalalyq jaǵdaıda ótkizedi. Osyǵan oraı taýly oqý-jattyǵý aımaǵynda shatyrly lager quryldy.
Oqý-jattyǵýdyń sońynda olar emtıhandar men synaqtar tapsyrady. Tekserý nátıjeleri arnaıy maqsattaǵy bólimshelerdiń taýly jerlerde jáne kúrdeli aýa raıynda jaýyngerlik is-qımyldy júrgizýde daıarlyq deńgeıin kórsetedi.