Іle Alataýyndaǵy jaǵdaı tıisti qurylymdardyń árdaıym jiti baqylaýynda bolýy qajet» - M.Eleýsizov
ALMATY. Shildeniń 24-i. QazAqparat /Ádilet Musahaev/ - Búgin Almatyda Qorshaǵan ortany qorǵaý mınıstri Nurǵalı Áshimovtiń qatysýymen «Іle Alataýyndaǵy tasqyn jaǵdaıy» taqyrybynda dóńgelek ústel ótti, dep habarlaıdy QazAqparat.
«Almaty mańyndaǵy taýlardyń gıdrometeorologııalyq ahýaly úreı týdyrýda. Sondyqtan búgin ǵalymdardyń baıandamasyn tyńdap, osy jaǵdaıǵa baılanysty pikir almasamyz», dep atap ótti óz sózinde N. Áshimov. Sonymen qatar ol osy ahýalǵa baılanysty qala ákimi Ahmetjan Esimov jumystyq jınalys ótkizip, naqty tapsyrmalar berilgendigin aıtyp ótti.
Jıyn barysynda «Kazgıdromet», Geografııa ınstıtýty, QazǴZI mamandary men Almaty qalasy TJM basqarmasynyń ókilderiniń baıandamalary tyńdalyp, talqylandy.
«Tabıǵat» Ekoodaǵy prezıdenti Mels Eleýsizov bul jıynnyń der kezinde ótkenin jáne qajet ekenin aıtady. «Sý tasqynynyń aldyn alýdyń jańa joldaryn tabý qajet. Búgin osy turǵyda ártúrli pikirler men málimetter aıtyldy. Ǵalymdar zerttegen barlyq maǵlumattarǵa saraptama jasaý qajet. Sondaı-aq Іle Alataýyndaǵy jaǵdaı tıisti qurylymdardyń árdaıym jiti baqylaýynda bolýy qajet», deıdi M.Eleýsizov.
