Іle Alataýyndaǵy ormandy qalpyna keltirýge jumsalatyn qarajat 57,8 mln. teńgeni quraıdy
ASTANA. 2 qyrkúıek. QazAqparat /Qanat Mámetqazyuly/ - Aǵymdaǵy jyldyń 17 mamyr kúni oryn alǵan daýyl saldarynan Іle Alataýy memlekettik ulttyq tabıǵat parkindegi ormandy qalpyna keltirýge jumsalatyn shyǵyn 57,8 mln. teńgeni quraıdy.
Bul týraly Aýyl sharýashylyǵy mınıstrliginiń baspasóz qyzmetinen habarlandy.
Aǵymdaǵy jylǵy 2 qyrkúıektegi jaǵdaı boıynsha 25 ga aýmaq jelden qulaǵan aǵashtardan tazartylǵan. Al taýdan 6253 tekshe metr kesilgen aǵashtar túsirildi. Jalpy, aýmaqty daýyl qıratqan aǵashtardan tazartý jumystaryna taý jaǵdaıynda jumys isteýde mol tájirıbe jınaqtaǵan bilikti mamandar ǵana tartylyp otyr.
«Orman qorynyń daýyl búldirgen aýmaqtaryndaǵy ormandardy qalpyna keltirý jumystarynyń kólemi 80 gektardy quraıdy. Onyń ishinde 10 gektar jerge iri kólemde otyrǵyzý materıaldaryn (bıiktigi 1 metrge deıin) jáne 70 gektar jerge Shrenka shyrshasynyń 4 jasar ekpelerin otyrǵyzý qajet. Sonymen qatar, daýyl búldirgen memlekettik orman qory ýchaskelerinde aǵash otyrǵyzý jumystaryn 2012-2014 jyldary, onyń ishinde 2012 jyly - 30 gektarǵa, 2013 jyly - 30 gektarǵa jáne 2014 jyly - 20 gektarǵa otyrǵyzý josparlanýda. Bul rette ormandardy qalpyna keltirýge jumsalatyn shyǵyndar 57,8 mln. teńgeni quraıdy», - delingen baspasóz aıǵaǵynda.
