Іle Alataýyndaǵy №6 kóldiń jaǵdaıy turaqty, qaýip joq - Almaty qalasy TJB
ALMATY. Tamyzdyń 20-sy. QazAqparat /Ádilet Musahaev/ - Bıyl Іle Alataýyndaǵy №6 kólden Almatyǵa qater tónbeıdi. Bul jaıynda búgin Almaty qalasy TJB bastyǵynyń orynbasary ıÝrıı Ilın arnaıy ótken baspasóz máslıhatynda aıtty,
dep habarlaıdy QazAqparat.
Aǵymdaǵy jyldyń 5-6-shy tamyzy aralyǵynda qala ákimdiginiń buıryǵymen jasaqtalǵan komıssııa, «Qazgıdromet», «Qazseldenqorǵaý», Geografııa ınstıtýty jáne TJB-nyń mamandary qosylyp Kishi Almaty basseınindegi Mánshúk Mámetova muzdyǵyndaǵy kóldiń qysymdylyǵyna ólsheý jumystaryn júrgizip, táýelsiz esepteý ótkizýge málimetter alynǵan. "Osy maǵlumattarǵa súıene otyryp, komıssııa músheleri bir aýyzdan 2010 jyly qalaǵa kólden esh qater tónbeıdi degen toqtamǵa keldi. Ótken jyldarmen salystyrǵanda kóldegi sý kólemi muzdyń erýine baılanysty kóterilgen, degenmen tereńdiktiń ulǵaıýy baıqalmaıdy", deıdi ıÝ. Ilın.
Júrgizilgen zertteýler nátıjesinde №6 kóldiń uzyndyǵy - 258 metr, eni - 136, ortasha tereńdigi - 9,3, barynsha tereńdigi - 20,9 metrdi qurap, jalpy kóldegi sýdyń kólemi 229,6 myń tekshe metrge jetken.
Zertteý komıssııasynyń múshesi, «Qazgıdromet» Klımatty jáne sý problemalaryn zertteý basqarmasynyń dırektory Baıysqan Qojahmetov jyldan-jylǵa muz erip, kólge sý jınalyp kele jatqandyǵyn aıtady. «Onyń qaýipin azaıtý úshin geografııalyq, bıologııalyq, fızıkalyq zertteýler júrgizýimiz kerek. Óıtkeni jınalǵan sý jer astyna sińip ketip jatyr, ol qaıda ketip jatyr - belgisiz. Erteń ol jer sý salmaǵyn kótere almaı jyljyp ketýi ábden múmkin. Sondyqtan bir sheshim qabyldap ol jerde burǵylaý, jarý sııaqty jumystardy júrgizýge áli erte, zertteý jumystaryn júrgizý kerek», deıdi B.Qojahmetov.
