Іle Alataýynda Mánshúk Mámetova atyndaǵy muzdyqtaǵy №6 kóldiń jaǵdaıy qalypty
ALMATY. 18 shilde. QazAqparat - Mánshúk Mámetova atyndaǵy muzdyqtaǵy №6 kóldiń jaǵdaıy qalypty, dep habarlady Almaty ákiminiń baspasóz qyzmeti.
Keshe Almaty qalasy jumyldyrý daıyndyǵy, azamattyq qorǵanys, avarııalar men dúleı zilzalalardyń aldyn alýdy jáne joıýdy uıymdastyrý basqarmasy, «Qazseldenqorǵaý» MK-niń bólimshesi jáne qalalyq TJD kóldiń jaǵdaıyn baqylady.
QR TJM «Qazseldenqorǵaý» MK-niń bas ınjeneri Isan Qoqambaevtyń pikirinshe, kóldegi qazirgi jaǵdaı birqalypty. Bul jerge monıtor júrgizilip, turaqty baqylaýǵa alyndy. Monıtorıngtiń kórsetýi boıynsha sýdyń deńgeıi óz aýqymynan 50 sm tómende. Arnaıy sıfon qoıylyp, sekýndtyna 50 lıtr sý syrtqa shyǵarylyp, táýligine 153 tekshe metr sý aǵyzylady. Osylaısha muzdyqtar men sýdyń balansy qamtamasyz etilgen.
«Biz kóldi 1997 jyldan beri baqylaýǵa alǵanbyz. Almatyǵa kólden keler esh qaýip joq», - dedi Isan Qoqambaev.
Almaty qalasy jumyldyrý daıyndyǵy, azamattyq qorǵanys, avarııalar men dúleı zilzalalardyń aldyn alýdy jáne joıýdy uıymdastyrý basqarmasynyń bastyǵy ıÝrıı Ilın 3 myń metrge bıiktiktegi «Myńjylqy» bógeti úlken qalqan ekenin aıtty. Ol 300 myń tekshe metr sýdy qabyldaı alady. «Medeý» plotınasy 1733 metrde, ol 12 mln. tekshe metr sý qabyldaıdy.
Basqarma bastyǵy kóp jylǵy baqylaýlarǵa súıene otyryp, qalanyń taý beketinde 2 myń metrge deıin jaýyn- shashyn sýlary men erigen qar sýy jınalatynyn jetkizdi. Al 3 myń 600 metr bıiktikke ornalasqan Mánshúk Mámetova atyndaǵy muzdyqta jaýyn-shashyn az. Qazirgi kezde jergilikti bıýdjet esebinen «Bedelbaı» jáne Batareıka dep atalatyn selden qorǵaý plotınalarynyń tehnıkalyq- ekonomıkalyq negizderi jasalyp, qurylystyń jobalyq-smetalyq qujattary daıyndalýda. Qujattar Úkimettiń qaraýyna jiberilgen.
«№6 kóldegi sýdyń deńgeıi barynsha tómen jáne ol qalaǵa esh qaýip týǵyzbaıdy. Kóldegi jaǵdaı bizdiń mamandardyń turaqty baqylaýynda. Bolashaqta muzdyqtardyń erýine oraı sý balansyn jınaqtaý máselesin qarastyrǵan jón. Bul bizdiń urpaqtarymyzǵa sý tapshy bolǵan kezde taza sý ishýge múmkindik beredi», - dedi ıÝrıı Ilın.
