Іle Alataýynda Qyzyl kitapqa engen janýarlar fototuzaqqa túsip qaldy
ALMATY. QazAqparat – Almatyda Іle Alataýy bókterinde QR Qyzyl kitabyna engizilgen jabaıy janýarlar fototuzaqqa tústi, dep habarlaıdy QazAqparat tilshisi.
Іle-Alataý memlekettik ulttyq tabıǵı parkiniń Aqsaı fılıalynda Qyzyl kitapqa engen janýarlardy zertteý maqsatynda jabaıy janýarlardyń mekendeıtin jerlerine fototuzaq ornatylǵan bolatyn.
Bir fototuzaqqa jabaıy janýarlar men qustardyń 10 túri túsken.
Onyń tórteýi - Qyzyl kitapqa engizilgen qar barysy, Tıanshan qońyr aıýy, tas sýsary jáne qumaı qusy.
Bulardan bólek ornatylǵan apparatty qasqyr, túlki, qaban, borsyq, qoıan, qustardan gımalaı ulary kelip baqylap kórgen.
«Bul fakt ulttyq park aýmaǵynda janýarlardy qorǵaý jáne ósimin molaıtý jumysy durys baǵytta júrgizilip jatqanyn dáleldeıdi», - dedi Іle Alataýy ulttyq parkinen.
