Іle Alataýynda daýyldan zaqymdanǵan orman ýchaskelerindegi aǵash otyrǵyzý jumystary 2015 jylǵa deıin jalǵaspaq
ASTANA. 8 qyrkúıek. QazAqparat - Keshe Almaty oblysynda Іle Alataýy MUTP-de Medeý shatqalyndaǵy daýyl saldaryn joıý máselesi boıynsha press-týr ótti.
QR AShM málimetterinshe, «Medeý» bıik taýly muz aıdyny men «Shymbulaq» taý shańǵysy kesheniniń Qazaqstandaǵy halyqaralyq týrızm jáne sporttyń negizgi nysany bolyp tabylatynyn eskere otyryp, Medeý shatqalyndaǵy jelsulatpalaryn jınaý, sondaı-aq aǵashtardy qaıta qalpyna keltirý is-sharalary taýly jerlerdegi jaǵdaıdyń qıyndyǵyna qaramastan tolyq kólemde júrgiziletin bolady.
2012 jylǵy 6 qyrkúıektegi jaǵdaı boıynsha 141,5 ga alqapta 20,5 myń tekshemetr jelsulatpalarynyń súrekteri jınaldy. Іle Alataýy MUTP-degi jel sulatqan aǵashtardy tartý jónindegi jumystarǵa 200 adam, onyń ishinde 55 ulttyq parktiń qyzmetkeri, 28 birlik tehnıka men 43 benzoara tartyldy. Bıylǵy jylǵy kóktemde Shymbulaq, Gorelnık, Plotına jáne Mohnatka ýchaskelerinde 8,1 ga alqapqa 5000 dana kóshet otyrǵyzylǵan bolatyn. Sondaı-aq 12,0 ga alqapqa 35 000 dana 4 jyldyq Shrenka ekpesiniń kóshetin otyrǵyzý boıynsha jumystar júrgizildi.
Bul rette daýyldan zaqymdanǵan orman qory ýchaskelerindegi aǵash otyrǵyzý jumystarý 2015 jylǵa deıin jalǵaspaq. Jelsulatpa ýchaskelerindegi joǵary órt qaýipsizdiginiń oryn alýyna baılanysty ormandardy jerústi jáne avıatsııalyq kúzetý kúsheıtildi, ulttyq park qyzmetkerleriniń táýlik boıǵy kezekshiligi belgilendi.
Ulttyq parktiń qyzmetkerleri Almaty qalasyndaǵy TJD birlesip, «Mohnatka» taýynyń orman órtine oranǵan ýchaskelerindegi azamattardyń qaýipsizdigin qamtamasyz etý maqsatynda «Medeý» muz aıdynynan «Shymbulaq» taý shańǵysy keshenine deıingi avtojoldardaǵy qulaý qaýpin tóndirip otyrǵan tomarlar men shópshekterdi jınaý boıynsha jumystar júrgizýde. Ústimizdegi jylǵy 6 qyrkúıekte Іle Alataýy ulttyq parkiniń kóshkin qaýpi bar birshama ýchaskelerdegi orman órtteriniń saldaryn joıý úshin 50 adam qosymsha jumyldyryldy. Qazirgi ýaqytta «Qazgıproormanshar» RMK orman órtine oranǵan ýchaskelerdegi aǵashtardy qaıta qalpyna keltirý jumystary boıynsha usynym ázirleýde. Sonymen qatar, 2013 jyly kóktemde «Mohnatka» taýynda aǵashtardy qaıta qalpyna keltirý boıynsha jumystar bastalady.
