Іle Alataýynda barystar taǵy da fotoqaqpanǵa ilindi (FOTO)
ALMATY. QazAqparat - Іle Alataýynda barystar taǵy da fotoqaqpanǵa ilindi. Qazaq Geografııalyq Qoǵamynyń «Qar barysyn qutqaryp qalaıyq» atty jobasy aıasynda túsirilgen jańa fotosýretter qoǵamnyń feısbýk áleýmettik jelisindegi paraqshasynda jarııa etildi.
«Almaty aımaǵynda bolǵan nóser jaýyndar kezinde qala men aýyl turǵyndary ǵana emes, sonymen birge bıik taýlardaǵy qar barystary da jańbyr astynda qalyp jatty. Fotoqaqpandardyń janynan ótip bara jatqan barys óziniń malmandaı sý bolyp bara jatqanyna qatty narazy sııaqty bolyp kórindi», - delingen habarlamada.
