Іle Alataýynda aǵash butap, ot jaqqandarǵa aıyppul salyndy
ALMATY. QazAqparat - Almatyda taý bókterinde aǵashtardy kesip, ot jaqqan adamdar 120 myńnan astam somada aıyppul tóleıtin boldy, dep habarlaıdy QazAqparat tilshisi.
Tabıǵatqa keltirilip jatqan nuqsan týraly eriktiler Feısbýktegi «Zaşıtım Almaty» tobynda jarııalaǵan bolatyn. Beınekadrda er adamdar birneshe aǵashty shaýyp, ortaǵa ot jaqqan.
«Іle Alataýy» Ulttyq tabıǵı parkiniń ákimshiligi bul oqıǵaǵa baılanysty pikir bildirdi.
«Jedel áreket etý tobynyń ıspektorlary bul adamdardy ustady. Qazir QR ÁqbK-niń 367-baby 4-bóligimen «Ormandaǵy órt qaýipsizdigi talaptary men sanıtarlyq erejelerdi buzý» boıynsha ákimshilik is qozǵaldy. Buzaqylar 120 250 teńge kóleminde aıyppul tóleıtin boldy», - dedi park ákimshiliginen.
Sonymen qatar bul adamdar orman aǵashtaryn zańsyz shapqany úshin de jaýapkershilikke tartylatyn bolady.
Іs materıaldary Medeý aýdandyq ІІB-ǵa berildi.
