Іle Alataýynda adasyp ketken 65 jastaǵy er adam qutqaryldy
TALDYQORǴAN.QazAqparat - Іle Alataýynda adasyp, tońyp qalǵan 65 jastaǵy er adamdy qutqarýshylar qutqardy, dep habarlaıdy QazAqparat tilshisi.
1955 jylǵy azamattyń joǵalǵany jóninde habarlama saǵat 00:30 shamasynda túsken.
2020 jyldyń 9 jeltoqsanynda respýblıkalyq jedel-qutqarý jasaǵynyń kezekshi bólimine Shymbulaq kýrorty Medeý aýdanynda 3000 metrden astam bıiktikte, Shymbulaq ózeniniń boıynda 1955 jyly týǵan er adam adasyp ketti degen habarlama kelip tústi.
«Er adam «Malaıa krýgosvetka» baǵytyna qaraı júrgen. Alaıda, jaýǵan qardyń bıiktigi 1 metr jáne tasty joldan ótý qıyn bolǵandyqtan, ol joldan shyǵyp ketken. Jolda ózdiginen júre almaı, tońyp, álsirep qalǵan. Osy sátte adasqan adamǵa qutqarýshylardyń kómegi qajet boldy» delingen qutqarý jasaǵy taratqan habarlamada.
Oqıǵa ornyna shuǵyl túrde 6 qutqarýshy, sonyń ishinde ıt ertken respýblıkalyq jedel-qutqarý jasaǵynyń jedel toby jolǵa shyqty.
Qutqarýshy top qar basqan, shalǵaı oıly-qyrly jerlerden ótip, bir saǵat ishinde qatty gıpotermııa belgileri bar zardap shekken adamdy tapty.
Oǵan alǵashqy medıtsınalyq jáne psıhologııalyq kómekti kórsetti.
Vedomstvonyń málimetinshe, qatty tońyp qalǵan er adamǵa qutqarýshylar ystyq shaı, jyly kıim bergen. Mamandar oǵan shuǵyl kómek kórsetip, ony qaýipsiz jerge jetkizdi.
Adasqan adamnyń jaǵdaıy birqalypty.
