Іle Alataýynan óz betinshe túse almaı qalǵan sheteldik týrıster qutqaryldy

ASTANA. QazAqparat - Іle Alataýynan óz betinshe túse almaı qalǵan sheteldik týrıster qutqaryldy, dep habarlaıdy QazAqparat TJM baspasóz qyzmetine silteme jasap.

«Keshe 112 pýltine Іle Alataýy taýlarynda sheteldik erli-zaıyptylar Bashýt shyńynan ózdiginen túse almaıtyny týraly aqparat kelip tústi.
Zardap shekkenderdi izdeýge TJM Respýblıkalyq jedel-qutqarý jasaǵynyń toby men qaladaǵy qutqarý qyzmetiniń qutqarýshylary shyqty.

Polshanyń eki azamaty, 1987 jyly týǵan áıel adam men 1983 jyly týǵan er adam qutqaryldy. Týrısterdi Medeýge deıin jetkizdi» delingen habarlamada.
Sheteldik azamattar qutqarýshylarǵa alǵys bildirdi.