Іle Alataýyna joryqqa shyǵyp, adasyp ketken 4 stýdent qutqaryldy
Respýblıkalyq jedel-qutqarý jasaǵynyń qutqarýshylary Іle Alataýy taýlarynda adasyp ketken qyzdardy izdedi. Tórt stýdent 10 naýryz kúni tańerteń Kókjaılaý- Prosveşenets baǵytyna týrıstik joryqqa shyqqan bolatyn.
«7 adamnan turatyn jedel qutqarý toby tez arada shaqyrtý ornyna bardy. Olar joǵalǵan adamdardy tez tapty. Eshkimge medıtsınalyq kómek kerek bolǵan joq» delingen habarlamada.
Qutqarýshylar taýǵa shyǵar aldynda qaıda baratynyńyzdy jáne qashan qaıtatynyńyzdy jaqyndaryńyzǵa aıtyp qoıý kerektigin eske salady. Jolǵa shyqpas buryn betke alǵan baǵytyńyzdy egjeı-tegjeıli zerttep, tanysyp alǵan jón.
«Taýǵa jınalǵanda yńǵaıly trekkıng aıaq kıimin kıińiz jáne taýdaǵy temperatýralyq rejımniń ózgeretinin este saqtańyz (árbir 100 metr saıyn shamamen bir gradýsqa tómendeıdi). Sondyqtan taýda eldimekenge qaraǵanda áldeqaıda sýyq. Osyny este saqtap, jyly kıinińiz» dep eskertedi qutqarýshylar.