Іle Alataýyna shyqqan reseılik týrıstiń jaǵdaıy kúrt nasharlap, tikushaq shaqyrýǵa týra keldi
3 tamyz saǵat 22.10-da Respýblıkalyq jedel-qutqarý jasaǵynyń kezekshi bólimine Reseı Federatsııasynan kelgen týrıster tobyna qutqarýshylardyń kómegi qajet ekendigi týraly aqparat kelip túsken.
Olardyń jalpy sany - 15 adam. Bul týraly QR TJM resmı ókili Talǵat Ýálı habarlady.
Týrıster Sovetter shyńyna kóterilgen. Shyńdy baǵyndyrý kezinde olardyń biriniń jaǵdaıy kúrt nasharlaǵan.
Alaıda top ishinde dáriger bolǵandyqtan, ol naýqastanǵan týrıstiń ót qabynda tas bolýy múmkin ekenin aıtqan.
Respýblıkalyq jedel-qutqarý jasaǵynyń 8 qutqarýshysy men kınologııalyq top dereý izdestirý-qutqarý jumysyna shyqty.
4 tamyzda týrıster Sovetter shyńynyń asýynan (teńiz deńgeıinen 3700 metr bıiktikte) tabyldy. Jaǵdaıy nasharlaǵan boıjetkenge alǵashqy medıtsınalyq kómek kórsetildi.
Bul aımaqtaǵy taýly jer taıaz jáne tik jartasty shógindilerden turatyndyqtan, zardap shekken adamdy zembilmen tasymaldaýǵa bolmaıdy.
Sebebi tasymaldaý kezinde qyzdyń jaǵdaıy odan ári nasharlaýy múmkin edi. Almaty qalasynyń qutqarý qyzmeti áýe bortyn usyndy.
Aıta ketý kerek, bul top 29 shildede Respýblıkalyq jedel-qutqarý jasaǵynda tirkelgendikten qutqarýshylar týrısterdiń marshrýtyn bilgen.
Bul izdeý ýaqytyn qysqartýǵa kómektesti. Qazirgi ýaqytta qutqarýshylar áýe kemesin kútýde.
Áýe kemesiniń kómegimen qutqarýshylar zardap shekken adamdy Úlken Almaty shatqalyndaǵy tikushaq alańynda kútip turǵan apattar medıtsınasy ortalyǵynyń qyzmetkerlerine deıin jetkizedi.
