Іle Alataýy ulttyq parkiniń sel júrý qaýpi joǵary aımaqtaryna bóget salynady

NUR-SULTAN. QazAqparat – Іle Alataýy ulttyq tabıǵı saıabaǵynyń 20,90 ga jeri erekshe qorǵalatyn aýmaqtan shyǵarylýy múmkin. Ol jerlerge turǵyndardy selden qorǵaý maqsatynda bóget salynady. Bul týraly Orman sharýashylyǵy jáne janýarlar dúnıesi komıtetiniń qaýlysy ashyq talqyǵa shyǵaryldy, dep habarlaıdy QazAqparat tilshisi.

Qaýlyda ulttyq park terrıtorııasynda ornalasqan Aqsaı ózeni basseıni sel qaýpi joǵary aýmaq ekeni jazylǵan. Al oǵan jaqyn jerde 30 myńnan astam turǵyn qonystanǵan.

«Aqsaı ózeniniń basseıninde sel qaýpi joǵary 18 ýchaske, 25 muzdyq, 16 morenalyq kól (olardyń 5-eýi asa qaýipti) ornalasqan. Olar 30 myńnan astam adamnyń ómirine qaýip tóndiredi. Sondyqtan Almaty qalasy men Almaty oblysynyń halqyn selden qorǵaý maqsatynda 20,90 ga jer erekshe qorǵaý aýmaǵynan shyǵarylyp, qosalqy jerler sanatyna engizilsin. Ol jerge bógetsalynady», - delingen qujatta.

Erekshe qorǵalatyn terrıtorııadan shyǵarylatyn aýmaqtardyń basym bóligi jaıylymdyq jerler men ormansyz alqaptar. Qaýly 13 shildege deıin talqylaýǵa shyǵaryldy.