Іle-Alataýy ulttyq parkiniń basshysy shaǵymdardy Feısbýk arqyly qabyldamaq
ALMATY. QazAqparat - Іle-Alataýy Ulttyq parkiniń basshysy Feısbýk áleýmettik jelisinde jeke paraqshasyn ashyp, kelýshilerdiń aryz-shaǵymdaryn sol jerde qabyldaıtyn boldy, dep habarlaıdy QazAqparat tilshisi Ulttyq atqyshtar qaýymdastyǵynyń orynbasary Asqar Qaımaqovtyń sózine silteme jasaı otyryp.
Asqar Qaımaqov Feısbýk áleýmettik jelesindegi paraqshasynda Іle-Alataýy Ulttyq parkiniń bas dırektory Damır Malgeldıevpen tanysqany týraly, ózekti máseleni sóz jaıynda jazady.
«Іle-Alataýy Ulttyq parkiniń qyzmeti meniń, meniń dostarymnyń da kóńilinen shyqpaıtyn-dy. Kezekti túsinbestikten keıin, men tup-týra Kamenkaǵa baryp, bas dırektorymen arnaıy tanystym. Birinshiden, barlyǵy men oılaǵandaı nashar emes eken. Ekinshiden, park ákimshiligi kóptegen máseleden habardar jáne ony sheshý jolynda árekettenip jatyr. Úshinshiden, Damır Nurbekuly meniń keńesimdi qabyl alyp, Feısbýkten jeke paraqshasyn ashty. Endi suraqtardy tikeleı sol jerde Feısbýk arqyly qoıýǵa bolady. Sonymen qatar, parktiń kórkine qatysty bastamalaryna qoldaý bildirýge de bolady», - dedi Asqar Qaımaqov.
Eske sala keteıik, ulttyq parkterdiń qyzmet kórsetý sapasy týrıstik kompanııalar deńgeıinde jıi synalyp jatady. Degenmen, Almaty qalasy bıyldan bastap, ulttyq parkterde aıtýly baǵyt-baǵdarlar boıynsha siltemeler men bıodárethanalar ornatý jaǵyn qolǵa aldy.
Aıta keterligi, Іle-Alataýy ulttyq tabıǵı saıabaǵy, Іle Alataýynyń ásem landshaftaryn qorǵaý, ósimdik jamylǵysy men janýarlar álemin saqtaý, týrızmdi damytý maqsatynda uıymdastyrylǵan. Aýdany 202 myń ga, ol Almaty qalasynan ońtústikke qaraı Іle Alataýynyń (Tıan-Shan) soltústik betkeıinde, batysta Shamalǵan ózeni, shyǵysta Túrgen ózeniniń aralyǵyndaǵy uzyndyǵy 120 km, eni 30 - 35 km aımaqty alyp jatyr. Onyń quramyna 4-Aqsaı, Medeý, Talǵar jáne Túrgen ormany aýmaǵyndaǵy taýlar enedi. Onda balyqtardyń 4, qosmekendilerdiń 2, qustardyń 11, sútqorektilerdiń 7 túri Qazaqstannyń "Qyzyl kitabyna" engizilgen.
