Іle-Alataýy ulttyq parkinde 130 myń aǵash otyrǵyzylady
Іle-Alataý memlekettik ulttyq tabıǵı parkiniń ǵylymı zertteý jumystary jáne taýly agrobıoártúrlilik bólim basshysy Saltanat Óserbaevanyń aıtýynsha, ulttyq park aýmaǵyndaǵy 47 gektar jerge 130 myńǵa jýyq aǵash otyrǵyzý josparda.
«Ekologııalyq qozǵalys birneshe jyldan beri jumys istep keledi. Іle-Alataý parkinde jyl saıyn volonterler belsendi qatysatyn is-sharalar men aktsııalar ótkiziledi. Bizdiń sharalarǵa qatysatyn eriktiler tabıǵatty saqtaýǵa óz úlesterin qosyp jatyr. Olar: mektep oqýshylary, ýnıversıtet stýdentteri jáne qarapaıym azamattar»,- deıdi Saltanat Óserbaeva.
Sonymen qatar, ol tabıǵatty qorǵaý aktsııalaryna eki júzge jýyq adam qatysatynyn tilge tıek etti.
«Sharalardyń basty maqsaty – tabıǵatty qorǵaý. Eriktilerdiń sany naýqannyń aýqymyna baılanysty. Keıbir aktsııalarǵa eki júzge jýyq adam qatysady», - deıdi ol.
