Іle Alataýy parkine kirý quny eki esege arzandady

ALMATY. QazAqparat - Almaty qalalyq mamandandyrylǵan tabıǵat qorǵaý prokýratýrasy Іle Alataýy ulttyq parki jumysynyń zańdylyǵyn tekserdi, dep habarlaıdy QazAqparat tilshisi qalalyq prokýratýranyń baspasóz qyzmetine silteme jasap.

Tekserý barysynda ulttyq park aýmaǵynda júrip-turý quny negizsiz qymbattaǵany anyqtaldy.

Atap aıtqanda, Salyq kodeksinde ekologııalyq posttarda ótý quny 0,1 AEK - 252 teńge dep belgilengen. Al Ulttyq park basshylyǵy 2018 jyldyń 1 maýsymynda týrıstik marshrýttardy, soqpaqtardy, qaraý alańdaryn paıdalanǵandarǵa qosymsha 200 teńgeden tarıf belgileý týraly buıryq shyǵarǵan.

Biraq bul tarıf boıynsha birqatar shekteý bar. Máselen bul tarıf maýsym-qazan aılary aralyǵynda ǵana alynady. Ári kelýshilerdiń kópshiligi týrıstik marshrýtqa shyqpaı, tek qana dámhana men demalys oryndaryna ǵana barǵan. Alaıda Ulttyq park basshylyǵy bul tarıfti kelýshilerden jyl boıy úzdiksiz alyp otyrǵan.

Sonymen qatar, arnaıy prokýratýra park basshylyǵy tarapynan kelýshilerge týrıstik marshrýtqa shyǵý úshin arnaıy jaǵdaı jasalmaǵanyn aıtty. Osyǵan baılanysty mamandandyrylǵan tabıǵat qorǵaý prokýrorynyń talabymen Ulttyq parktiń buıryǵy kúshin joıdy. Endi Іle Alataýy parkine demalýǵa kelgender 452 teńge emes, 252 teńge ǵana tóleıtin boldy.

Al park ákimshiligine saralanǵan tarıf engizýdi qolǵa alý usynyldy.